Xerpêt de baxçeyanê mişmişan vilikî akerdî

Dîroka Weşanê: 2 hafta önce

Xarpêt, qezaya Baskîlî de baxçeyanê mişmişan vilikî akerdî û herême sey betanîyeyêka sipîye xemilîyaye. Rênçberê ke par cemed ra zaf zerar dîbi, seba arêdayîşê mehsulê emserî bi hêvî yê.

AMÎDA KURDÎ - Qezaya Xarpêtî Baskîl û dewanê ci de, daranê mişmişan vilikî akerdî. Wexto ke baxçeyî bi rengê sipî pêşayî, dîmenê weşî yê sey qartpostalan hewa ra ameyî qeydkerdiş.

Baskîl o ke merkezanê tewr muhîman ê resnayîşê mişmişan ra yew o, par rastê cemedêko gird amebi û rênçberanê herême zerarêko pîl dîbi. Cened dabî beşêko pîl ê baxçeyan ro û xeylêk rênçberî nêeşkaybî mehsulê xo arê bidê. Vilik akerdişê daran ê emserî, reyna hêvîyêka newîye da şarê herême.

"Emser ma bi hêvî yê"

Roniştoxanê Dewa Gemicî ra Hitamin Gundoganî, ard ziwan ke ê vilik akerdişê daran ra kêfweş ê û eke şertê hewayî hol (baş) şêrê, ê mehsulêko bereketin pawenê.

Gundoganî qiseykerdişê xo wina domna: "Seke dîmenan de zî aseno, daranê mişmişan vilikî akerdî. Par Xarpêt û Meletî de cemed estbi. Emser vilikan akerd. Dima ra do hewa senî bo ma nêzanê, tena Homa zano, labelê ma bi hêvî yê. Wa her çî xeyrên bo."

0

Begendim

0

Bayildim

0

Komik

0

Begenmedim

0

Uzgunum

0

Sinirlendim