Tuncer Bakirhanî ‘Nobeta cuye’ zîyaret kerd

Dîroka Weşanê: 17 saat önce

Hemserekê Pêroyî yê DEM Partî Tuncer Bakirhan “Nobeta cuye” ya sendîkaya perwerdeyî zîyaret kerd.

AMÎDA KURDÎ -  Hemserekê Pêroyî yê DEM Partî Tuncer Bakirhan “Nobeta cuye” zîyaret kerd ke hetê Egîtîm Sen’î zî mîyan de yo hetê sendîkayanê perwerdeyî ra vera hêrişanê serê dibistanan vernîya Wezaretê Perwerdeyî de ameye dest pêkerdene.  

Roja 3. a nobete de xeylê sazgeh û rêxistinê komelî zî nobete zîyaret kerd. Verfeka DEM Partî Ayşegul Dogan, parlamenter û rêxistina DEM Partî ya Anqara zî Tuncer Bakirhan reyde ameyê zîyaretê nobete.

Tuncer Bakirhanî qisey kerd û sere de seba kesê ke cuya xo vîndî kerda serweşî û birîndaran rê zî şîfa waşte û wina vat: “Îhmalê raya pêroyî zî nê serebûtan de est a. Ganî naye qebul bikerê û rexnedayîşê xo bidê. Na hedîse tena ya çend kesan nîya. Sîyaset serê reqabetî de yeno rayraberdene. Şîdet yeno meşrukerdene. Sewbîna zî dibistanan de emnîyet çin o. Ganî emnîyet bêro xurtkerdene, sewbîna zî problem tena emnîyet nîyo; eynî wextî de problem ê sîstemî yo. Wextêke kesê sey Deniz, Mahîr û Îbrahîm îdolî bî nika kesê mafya bîyê îdol. Serê de ganî sîyaset bêro vurnayene û dima ra zî no sîstem bivurîyo. Ma do seba sîstemo demokratîk û azad ke gedeyî bi hewayêko têduşt perwerde bivînê têkoşînê xo yê hempar bidomnê.”

0

Begendim

0

Bayildim

0

Komik

0

Begenmedim

0

Uzgunum

0

Sinirlendim