Sûriye bû endamê Koalîsyona Navneteweyî: Pesn ji bo HSDê

Dîroka Weşanê: 2 ay önce

Koalîsyona Navneteweyî ya li dijî DAIŞê, ku di sala 2015an de di bin serokatiya Amerîkayê de hatiye damezrandin, di civînek li Riyadê de Sûriyeyê wekî endamê xwe yê 90emîn pejirand.

AMÎDA KURDÎ - Nûnerên welatên ku beşdarî koalîsyona li dijî DAIŞê dibin beşdarî civîneke yekrojî li Riyadê, Erebistana Siûdî bûn. Civîna ku ji aliyê Cîgirê Wezîrê Derve yê Erebistana Siûdî Welîd El-Qurecî ve hat birêvebirin, nûnerên ji her 90 welatên endamli hev civand.

Sûriye bi awayekî fermî bû endma Koalîsyona Navneteweyî ya li dijî DAIŞê

Erebistana Siûdî û Amerîkayê doh di daxuyaniyeke hevpar de encamên civîna "Koma Biçûk" a Koalîsyona Navneteweyî ya li dijî DAIŞê belav kirin ku tê de nexşerêya nû ya şerê li dijî terorê hat gotûbêjkirin.

Xalên sereke yên civîna Riyadê

Xalên herî girîng ên ku di civîna li Riyadê de hatin pesendkirin ev in:

Qebûlkirina Sûriyeyê wekî endama 90emîn a Koalîsyona Navneteweyî.

Veguhastina bilez a girtiyên DAIŞê.

Vegerandina welatiyên biyanî (çekdarên berê yên DAIŞê û malbatên wan) ya welatên wan.

Li ser paşeroja şerê li dijî DAIŞê berdewamiya hevahengiyê bi Bexda û Şamê re.

Pesn bo rola HSDê

Beşdaran her wiha rola pêşengiyê ya ku Hêzên Sûriyeya Demokratîk (HSD) yên bi pêşengiya Kurdan ji bo beşdariyên wan ên di şerê li dijî DAIŞê de girtine ser xwe, pesinandin.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim