Sezgin Tanrıkulu şikayet kir: Gundiyên Wanê ji bo îfadedayînê hatin gazîkirin
Piştî şikayeta Parlamenterê CHPê yê Amedê Sezgin Tanrıkulu, gundiyên navenda bajarê Wanê û navçeya Payîzava ji bo îfadedayînê gazî li qereqolan kirin. Sedema şikayetê heqaretên li Tanrikulu hatine kirin bû.
AMÎDA KURDÎ - Parlamenterê CHPê yê Dîyarbekirê Sezgin Tanrıkulu, bi rêya parêzerê xwe Bişar Abdi Alınakî, kesên ku "bi rêya medyaya civakî" heqaret li wî kirine, şikayet kir. Parêzerî daxwaz kir ku kesên ku heqaret li Tanrıkulu kirine, li gorî xala 125 1/2 ya Qanûna Cezayê ya Tirkiyeyê, ji 3 mehan heta 2 salan cezayê girtîgehê an jî cezayê pereyan bidin wan.
Bav û kur ji bo lêpirsînê hatin gazîkirin
Piştî lêpirsîna ku li ser şikayeta Tanrıkulu dest pê kir, Musa Kahramanê 60 salî û kurê wî yê bi navê Musa Kahraman jî ji bo lêpirsînê hatin gazîkirin. Bav û kur, piştî îfadeyan ji aliyê Midûriyeta Polîsan a Wanê hatin berdan.
Li Payîzavayê jî gundî ji bo îfadeyê hatin gazîkirin
Ji ber heman sedemê, İsa Karakoç ji bo îfadeyê ji navçeya Payîzava a Wanê hat gazîkirin. Karakoç piştî îfadeyê hat berdan. Yusuf Can jî ji heman gundî di çarçoveya lêpirsînê de ji bo îfadeyê hat gazîkirin bo qereqola polîsan.
Li ser medyaya civakî heqaret
Di daxwaznameyekê de ku ji Dozgeriya Komarê ya Bodrumê re hatiye şandin, parêzerê Tanrıkulu, Bişar Abdi Alınak, îdia kir ku kesekî bi navê Yusuf Can li ser Facebookê bi bikaranîna hevoka "H.s, h.s Sezo" heqaret li muwekîlê wî kiriye.
Şîrove Bike
- 1 ay önce
PCSyê xwe wekî tevger ragihand
- 1 ay önce
Ber bi 8ê Adarê ve
- 2 hafta önce
Şîrove