Şarê Amedî emser serdî ver verê xo da kincanê qalinan

Dîroka Weşanê: 3 ay önce

Amed de zimistan em ser çetîn vîyareno, naye ra şar hewayê serdî ver, verê xo da kincanê qalinan.

AMÎDA KURDÎ- Vewre û hewayo serd emser Amed de tesîrê xo mojna. Serranê verênan de herinda mont, kaban û qazaxan de kincê varanî amêne erînayîş la cayê înan kincê qalinî û yê ke germ tepîşenê, ca girewt.

Esnafanê bajarî va ke emser hewa normalî ra zêde serd o, ayra ê zî kincê ke hîna zaf germ tepîşenê ardê magazanê xo. Welatîyan zî va ke goreyê serranê vîyarteyan ê mont û kincanê qalinan tercîh kenê.

Esnaf Veysel Baykalî da zanayîş ke par hewa sey emser serd nêbi û ayra înan kincê qalinî nêardbî. Par aşmanê zimistanî de ma kincê hîna tenikî ardbî. Emser zimistan zaf serd vîyêreno, ayra ma kincê qalinî û yê ke germ tepîşenê ardî û welatîyî zî zaf teleb kenê."

Yewna esnaf Şefîk Keskînî zî va ke no zimistan de şar  kincanê ke germ tepîşenê tercîh kenê.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim