Şam û HSD li hev nehatin: Civîna Ebdî û Şara bi awayekî neyînî bi dawî bû

Dîroka Weşanê: 2 ay önce

Endama Partiya Yekîtiya Demokratîk (PYD) Foza Yûsif ragihand ku hevdîtin bi awayekî neyînî bi dawî bûne û diyar kir ku rêveberiya Şamê şert û mercên 2011an li me ferz dike.

AMÎDA KURDÎ - Hevdîtinên "agirbest" û "entegrasyonê" yên ku li Şamê di navbera Mazlum Ebdî û Serokê Demkî yê Sûriyê Ehmed Şer de hatin lidarxistin, bi awayeke neyînî bi dawî bû.

Endama Konseya Serokatiyê ya Partiya Yekîtiya Demokratîk (PYD) Foza Yûsif, di daxuyaniyekê de ya ji bo RUDAW TVyê, daxwazên rêveberiya Şamê û rewşa dawî ya li sehayê bi van gotinan nirxand:

"Civîn bi awayekî neyînî bi dawî bû. Şam dibêje, 'Hûn ê her tiştî radest bikin û rewş dê vegere rewşa beriya 2011an.' Ew bi tu awayî naxwazin hebûna me qebûl bikin. Li her derê pevçûn hene. Teslîmbûna tevahî li ser me tê ferzkirin. Em ê vê yekê qet qebûl nekin. (Mazlum Ebdî) dê rewşê dema ku ew werin vir binirxîne.

Ew dixwazin ku em îro her tiştî radest bikin. Ew dixwazin saziyên me hilweşînin, bîrên petrolê ji me bigrin, dibistanan bigirin û pergala me ji holê rakin. Îdiaya rêveberiya Şamê ya ku 'endamên PKKê li dijî peymanê ne' ne rast e. Wan gelek endamên DAIŞê ji girtîgehan berdane."

0

Begendim

0

Bayildim

0

Komik

0

Begenmedim

0

Uzgunum

0

Sinirlendim

• Etiketler
• #HSD
• #MAZLUM
• #EHMEDŞER