Neynika Sor ji Avestayê derket
Weşanxaneya Avestayê, Neynika Sor a Burhan Sonmezî çap kir.
AMÎDA KURDÎ - Weşanxaneya Avestayê, Neynika Sor a Burhan Sonmezî çap kir.
Naveroka kitêbê
“Gelo ev neynik bi efsûn e, min pirsî, ma neynikên din di hundirê wê de veşartî ne?
Her neynik xwedî sêhrek e, wê got. Ji ber vê yekê divê her kes neynikek xwe hebe, neynikek ku her tim bi xwe re bigerîne.”
“Neynika Sor”, romaneke li ser bîranîn, mirin û bendewariyê; li ser wê kêliya ku mirov di navbera xewn û hişyariyê, rastî û xeyalê, jiyan û mirinê de dimîne. Roman, wek keştiyek di nav mijê de, xwendevan dibe nav deryayên tarî yên hafizeyê digerîne.
Burhan Sonmez kî ye?
Li Heymaneyê hat dinyayê. Serokê navneteweyî yê PEN International e û endamê akademiya Zanîngeha Cambridge e. Romanên wî bo ji 50 zimanî zêdetir hatine wergerandin û gelek xelat wergirtin wek Xelata Hemingway, Xelata Vaclav Havel, Xelata Wêjeyê ya EBRD, Xelata Wêjeyê ya Sedat Simavi û Xelata Romanê ya Orhan Kemal. Sönmez, mezûnê Fakulteya Hiqûqê ya Zanîngeha Stenbolê ye, dema ku wekî parêzerekî mafê mirovan dixebitî, di êrişeke polîsan de bi giranî birîndar bû. Ji ber sedemên siyasî, ew çû Brîtanyayê û li navenda dermankirina qurbaniyên îşkenceyê ya Freedom from Torture li Londonê dermankirina demdirêj wergirt û çend salan li sirgûnê jiya. Wî di juriyên gelek çalakiyan de cih girt, di nav wan de Xelata Inge Feltrinelli, Festîvala Fîlman a Navneteweyî ya Cenevreyê û Xelata Navneteweyî ya Hrant Dink. Ji bo çapemeniya wekî La Repubblica, Der Spiegel û The Guardian nivîsand. Piştî pênc romanan bi zimanê tirkî, ew vegeriya ser zimanê dayika xwe û dest bi nivîsandina bi zimanê kurdî kir.
Şîrove