Mereş de mekteb rê hêrîş: 9 kesî kişîyayî

Dîroka Weşanê: 2 gün önce

Mereş de yew mektebo ke ci rê hêriş ame kerdene de 9 tenî merdî û 20 kesî zî birîndar bîyî.

AMÎDA KURDÎ - Mektebê Mîyanênî yê Ayser Çalikî yê Mereşî de vengê çekan berz bi. Teberê ekîbanê weşîye, polîsî û herekatê taybetî zî sewqê cayê hadîseye bîyî. Mudaxeleyê ekîbanê weşîye yê cayê hadîseye ra pey, birîndarî bi ambulansan wedarîyay êweşxane.

Walî Mukerrem Unluerî va ke: “Malimêk û 8 wendekarî wefat kerdî. 20 birîndarê ma est ê.”

Wezîrê Perwerdeyîya Neteweyîye Yusuf Tekîn, hadîseye ra pey seba ke şiro herême kewt rayîr. Wezîrê Edaletî Akin Gurlekîîzah kerd ke tehqîqat ameyo dest pêkerdene va, “3 Wekîlê Serekdozgerê Komare û 4 Dozgerê Komare ameyî wezîfedarkerdene.” Wezîrê Karanê Zereyî Mustafa Çîftçî zî dima ke mekteb de hadîse qewimîya, seba şîyayîşê herême kewt rayîr.

Ame musayene ke keso ke hêrîş viraştbî ameyo kiştene. Reyna ame qeydkerdene ke o keso ke hêrîş kerdo wendekarê sinifa 8. bîyo û pîyê ey zî polîso teqawudkerde bîyo.

Wezîrê Edaletî Akin Gurlekî eşkera kerd ke qerarê qedexeyê weşanî ameyo girewtene.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim