Cîhan

Li Îranê xwepêşandan didomin: biryara hevpar ji partiyên kurd

Dîroka Weşanê: 3 ay önce

Li Îranê xwepêşandan didomin: biryara hevpar ji partiyên kurd

Xwepêşandanên li dijî tengasî û pirsgirêkên aborî û kêmbûna nirxa pereyê rîyal li seranserê Îranê belav dibin. Partiyên siyasî yên Kurd li Îranê biryara "yekîtiya çalakiyan" dane. Serok Pezeşkiyan ji bo çareseriyê daxwaza muzakereyê kir.

AMÎDA KURDÎ- Piştî berbelavbûna xwepêşandanan li seranserê Îranê, partiyên siyasî yên Kurd bi lezûbez civiyan. Di civînê de, bi pêşengiya Sekreterê Giştî yê Partiya Demokrat a Kurdistana Îranê (PDK-I) Mustafa Hicri ve, biryar hate dayîn ku li dijî polîtîkayên zextê yên li Îranê xebateke hevpar û bibandor were meşandin.

Nûnerên siyasî ragihandin ji bo ku têkoşîn xurt bibe û xwepêşandan veguhezin berxwedaneke sîstematîk, dê çarçoveyeke hevkariya neteweyî were damezrandin.

Rêyeke nû tê diyarkirin

Di dawiya civînê de, plansaziyên stratejîk bo partîyên sîyasî yên Kurd hatin amadekirin ka dê ew partî çawa li seranserê Îranê her hevkariyê da bin. Ev pêvajoya nû, ku dê bi rêya (Navenda Diyalogê) were meşandin. Hêvî ew e ku tevgera sîyasî li ser asta herêmî û neteweyî xurt bibe. Partîyan diyar kirin ku yekîtî ne tenê li ser bingeheke leşkerî tê avakirin, heman demê de li ser bingehek meşrûiyeta civakî jî dê were avakirin, û bang li hemû beşên civakê kirin ku palpiştiya vê berxwedanê bikin.

Êrîşên tund û qurbaniyên pêvajoyê

Tê ragihandin ku êrîşên hêzên ewlehiyê di xwepêşandanan de, bi fermana Rêberê Olî Elî Xameneyî, her roj dijwartir dibe. Tê gotin ku li dijî xwepêşanderan, bi taybetî li parêzgehên ku Kurd lê dijîn ên wekî Îlam, Kirmaşan û Loristan, gule hatine bikar anîn û li deverên wekî Melikşahiyê xwîn hatiye rijandin.

Di roja nehan de, hin çavkaniyan ragihandin ku zêdetirî 45 kes mirine, zêdetirî 300 kes birîndar bûne û zêdetirî 1200 kes hatine girtin.

Partiyên siyasî ji bo kesên ku jiyana xwe ji dest dane sersaxî xwestin, di heman demê de tekez kirin ku ‘’rêbazên tundî dê îradeya gel neşkîne, her wiha dê hêrs û kînê zêde bike.’’

Pezeşkiyan banga muzakereyê dike

Piştî aloziyên li kolanan, Serokkomarê Îranê Mesûd Pezeşkiyan daxuyaniyek girîng da. Wî diyar kir ku divê tundî raweste û ji bo derbaskirina krîzê banga muzekereyê û diyalogê kir. Lêbelê, xwepêşander û partiyên muxalefetê bawer dikin ku ev bang dê têrê nekin ku têkoşînê rawestînin heya ku reformên berbiçav neyêne mîsogerkirin.