Li Colemêrgê şaredarek ji kar hate dûrxistin

Dîroka Weşanê: 2 ay önce

Hasan Dinç, şaredarê navçeya Rubarok ya Colemêrgê, ku ji Partiya Refahê (YRP) hatibû hilbijartin, ji ber "îstismara cinsî ya li dijî zarokekî" cezayê girtîgehê lê hatibû birîn, ji kar hate dûrxistin.

AMÎDA KURDÎ - Hasan Dinç, ku di hilbijartinên herêmî yên 31ê Adara 2024an de ji Partiya Refah (YRP) wekî şaredar hate hilbijartin lê paşê ji partiya xwe îstifa kir û wekî serbixwe erkên xwe domand. Piştî biryara dadgehê ya li dijî wî, wezîfeya wî bi dawî bû.

Dinç, piştî piştrastkirina biryarê ji aliyê Dadgeha Bilind ve bi "bêparhiştina mafên giştî" hate cezakirin. Bi vê biryarê, erka şaredariyê ya Dinç hate betalkirin.

Piştî dûrxistina Hasan Dinç, Meclîsa Şaredariya Derecikê dê ji bo hilbijartina şaredarekî nû bicive.

Hasan Dinç, ku bi salan di AKPê de siyasetê dike, berî hilbijartinên 31ê Adara 2024an ji partiya xwe îstifa kir û tevlî Partiya Refahê (YRP) bû û wekî namzetê wan di hilbijartinê de bi ser ket. Lêbelê, di 13ê Hezîrana 2025an de, Dinç îstifaya xwe ji YRPê jî ragihand. Wî "nebûna hevgirtineke îdeolojîk ya di navbera Dilxwazên Derecikê û Partiya Refahê de û zirara ku siyaseta giştî dide siyaseta herêmî" wekî sedemên îstifaya xwe destnîşan kir.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim