Ji Serokkomariyê tayînên nû: Parêzgarê berê yê Amedê ji kar hat derxistin
Li gorî fermana ku ji hêla Serokkomar Erdogan ve hatiye îmzekirin, cîgirên wezîrên di Wezaretên Edaletê û Karên Hundir de hatine guhertin. Di çarçoveya vê fermanê de, Parêzgarê berê yê Amedê Munir Karaloglu jî ji kar hatiye derxistin.
AMÎDA KURDÎ - Li gorî fermana Serokkomariyê ya ku di Rojnameya Fermî de hatine weşandin, di du wezaretan de guhertinek berfireh çêbûye. Tayînkirinên girîng hem di erkên cîgirên wezîran û hem jî yên parêzgaran de hatine kirin.
4 kes ji Wezareta Dadê ji kar hatin derxistin
Ramazan Can, Hurşit Yildirim, Mehmet Yilmaz û Niyazi Acar ku di Wezareta Dadê de wek alîkarên wezîr dixebitîn ji wezîfeyê hatin dûrxistin. Li şûna wan Abdullah Aydogdu, Burak Ceyhan, Can Tuncay û Sedat Ayyildiz hatin tayînkirin.
Guhertinên di Wezareta Karên Hundir de
Li Wezareta Karên Hundir Munir Karaloglu, Mehmet Sağlam û Mehmet Aktaş ji wezîfeyên xwe yên alîkariya wezîrtiyê hatin girtin. Ali Çelik (Parêzgarê Colemêrgê), Kubra Guran Yigitbaşî (Parêzgarê Afyonkarahisarê) û Mehmet Cangir wek cîgirên wezîr hatin tayînkirin.
Li 5 parêzgehan guhertin
Di çarçoveya biryarê de guhertin di parêzgariyan de jî hatin kirin. Li gorî vê Naci Aktaş, Waliyê Uşakê, wekî Waliyê Afyonkarahisarê; İbrahim Taşyapan, Rêveberê Giştî yê Karûbarên Nifûsê, wekî Waliyê Colemêrgê; Serdar Kartal, Serokê Daîreya Xizmetên Piştgiriyê, wekî Waliyê Uşakê; û Aydın Baruş, Waliyê Gumuşhaneyê, wekî Waliyê Erziromê hatin tayînkirin.
Tayînkirin li gorî fermana Serokkomariyê hatin kirin.
Şîrove Bike
- 1 ay önce
PCSyê xwe wekî tevger ragihand
- 1 ay önce
Ber bi 8ê Adarê ve
- 2 hafta önce
Şîrove