Ehmed Şer, soz da Barzanî
Di navbera Serokê Hikûmeta Demkî ya Sûriyeyê Ehmed Şer û Serokê Partiya Demokrat a Kurdistanê (PDK) Mesûd Barzanî de bi rêya telefonê hevdîtinek pêk hat.
AMÎDA KURDÎ - Piştî rêkeftina dawî ya di navbera hikûmeta Sûriyeyê û Hêzên Demokratîk ên Sûriyeyê (HSD) de, Ehmed Şer soz da ku hemû mafên neteweyî û siyasî yên Kurdan li Sûriyeyê dê werin parastin.
'Hemû maf dê werin parastin'
Li gorî daxuyaniyek ji Serokatiya Sûriyeyê, ku ji hêla ajansa nûçeyan a fermî ya Sûriyeyê (SANA) ve hatiye ragihandin, di civîna di navbera Şer û Barzanî de nîqaşek li ser pêşketinên dawî yên li herêmê û rêbazên xurtkirina aramî û ewlehiyê hatine kirin.
Barzanî piştgiriya lihevkirinê dike
Serokatiya Sûriyê diyar kir ku "Serok Barzanî piştgiriya xwe ji bo peymana dawî ya di navbera hikûmeta Sûriyê û Hêzên Demokratîk ên Sûriyê (HSD) de anî ziman."
Daxuyaniyê tekez kir ku "herdu alî li hev kirin ku hevrêzî û şêwirmendiya hevbeş bidomînin da ku aştî û ewlehî li herêmê misoger bikin.’’
Daxuyaniya ofîsa Barzanî
Daxuyaniya ofîsa Barzanî derbarê civînê de destnîşan kir ku Ehmed Şer li ser pêşketinên dawî yên li Sûriyê axivî. Barzanî tekezî li ser pabendbûna wan a bi aştiyê kir û wî pêwîstiya parastina maf û rûmetê gelê Kurd dubare kir.
Şîrove Bike
- 1 ay önce
PCSyê xwe wekî tevger ragihand
- 1 ay önce
Ber bi 8ê Adarê ve
- 2 hafta önce
Şîrove