Bakirhan: Kurdî êdî bêstatu nêciwîyenê

Dîroka Weşanê: 2 ay önce

Amed de vizêr hezaran kesî seba paştîdayîşê Rojava rayra şîyî. Hemserekê Partîya DEMî Bakirhanî va, "Kurdî êdî nêwazenê bêstatu û bêziwan biciwîyê, wazenê bi rûmet biciwîyê."

AMÎDA KURDÎ – Hetê Platformê Sazîyanê Demokratîkan ra, seba 1ê Sibate Roja Mîyanneteweyî ya Paştîdayîşê Rojawanê Kurdîstanî de, Amed de rayraşîyayîşêk ame viraştene.

Hezaran kesî, temsîlkarê partîyanê sîyasîyan û rêxistinanê cimatê sîvîlî tewrê rayraşîyayîşî bîyî. Koma ke rayraşîyayîşê xo bi çepikan, tîlîlîyan û sloganan qedîna, tîya eşkerayîye daye.

Hemserekê Pêroyî yê Partîya DEMî Tuncer Bakirhanî qiseykerdişê xo bi nê vateyan dest pêkerd: Ma mucadeleyê cinîyanê Kurdan û şarê Kurdî pîroz kenê."

"Yewîya çar parçeyan"

Bakirhanî da zanayîş ke tarîx de reya verêne ya ke Kurdê her çar parçeyan yew babete ser o bîyê yewveng û wina va:

"Rojava xeta sûre ya Kurdan a. Kurdî tena nîyê, 50 mîlyon ê. Dima na roje, êdî kes nêeşkeno seba seserrêka bîne Kurdan bêziwan, bêstatu û bênasname verado. Ma pîyameyîşo ke Sûriye de ameyo kerdene pozîtîf vînenê. Ma veng danê rayedaranê Tirkîya ke wa Rojava de rolêko bitesîr û awanker bigîrê."

Hemserekê Partîya DEMî veng da Serekkomarê Sûrîye Ehmed Şerî û va:

"Ganî statuyê îdarî yê Kurdan bêro naskerdene û binê garantîya qanûnê bingeyênî de bo."

0

Begendim

0

Bayildim

0

Komik

0

Begenmedim

0

Uzgunum

0

Sinirlendim