Amedspor vera Çorum FK 1-0 serkewt: Lîderîye rê dewam

Dîroka Weşanê: 3 ay önce

Amedsporî hefteyê 20. yê Lîga 1. de Çorum FK bi golê Diagneyî 1-0 mexlûb kerd û bi 42 puanan liderîya xo domna.

AMİDA KURDÎ - Hefteyê 20. yê Lîga 1. ya TFFyî de Amedspor, Stadyumê Dîyarbekirî de Çorum FK. Kerd meyman. Maç binê hewayê serdinî de ame kaykerdiş la hezaran terefdaran taximê xo tena nêverda û taximê Amedsporî bi serkewtişê 1-0î seha ra vejîya.

Golê Diagneyî Amedspor kerd lider

Golê tena yê maçî nîmeyê verênî de, deqeya 45+1. de hetê Mbaye Diagneyî ra ame eştiş. Golkerê Senegallî bi nê golî lige de humara golanê xo kerd 17.

Penaltî û cezaya Diagneyî

Diagneyî deqeya 59. de fersendê penaltîyî ra îstîfade nêkerd. Badê cû deqeya 63. de kartêko zerd girewt û maçê Erzurumsporî de nêeşkeno kay bikero.

Transferê neweyî seha de bî

Transferanê neweyan ra Tarkan Serbest 11ê verênî de dest bi maçî kerd, nîmeyê diyînî de ca da Adama Traoréyî. Florent Hasani zî deqeya 67. de kewt kay û reya verêne formaya Amedsporî da xora.

Bi nê serkewtişî Amedsporî puanê xo kerd 42 û hefte sey lider qedîna.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim