Amedspor emşo seba şampîyonîye vejîyeno seha

Dîroka Weşanê: 1 hafta önce

Amedspor û Erokspor emşo Îstanbul de yenê têver û Amedspor do seba şampîyonîye û vejîyayîşê Super Lîgî kay bikero.

AMÎDA KURDÎ -  Amedspor, emşo Lîga 1ine ya Federasyonê Futbolî yê Tirkîya (TFF) de do Eroksporî dir kay bikero. Nê kayê emşoyî de eke Amedspor ser bikewo, do gameka bîne zî nêzdîyê amancê xo yê Super Lîgî bibo.

Hefteyê 34. yê Lîga 1ine ya Trendyolî de, Amedspor rêza dîyîne (2.) de, Esenler Erokspor zî rêza hîrêyîne (3.) de yo.

Amedsporo ke lîg de performansêko serkewte nîşan dano, 12 maçanê xo yê peyênan de vîndî nêkerdo. Amedspor pêroyê 5 maçanê xo yê peyênan de ser kewto û nê maçan de tena yew gol werdo.

Amedspor nika taximê Eroksporî ra 4 puanî aver o. Amedspor nîmeyê verênî yê maçê sezonî de Amed de 2-1 ser kewtbi.

Eke Amedspor kayê emşoyî de ser bikewo, ferqê puanan do bibo 7.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim