4 bajaranê welatî de vewre û cemed ra mabên dîya perwerde,

Dîroka Weşanê: 2 ay önce

Bajaranê herême Erzirom, Wan, Agirî û Mûş de semedê vewra zêde û şertanê nêbaşan ê hewayî, mektebî 1 roj ameyî tatîlkerdiş.

AMÎDA HABER - Bajaranê herême de vewre bêvindertiş varena û cuyayîşê rojaneyî ser o tesîrêko xirab kena. Bajaranê Erzirom, Wan, Agirî û Mûş de ewro semedê vewre û şertanê nêbaşan ê hewayî, perwerde ame vindarnayîş.

Goreyê eşkerayîya Walîtîya Agirî, semedê varayîşê vewre seranserê bajarî de mektebê dewan û mektebê ke wendekarê ci bi wesayîtan  şonê, ameyî girewtiş.

Erzirom

Walîtîya Erziromî aşkere kerd ke semedê tehlukeyê vewre, cemed û hewrêsî; qezayanê Yakutîye, Palandoken û Ezîzîye de pêro mektebê fermî û xusûsîyî 1 roj ameyî tatîlkerdiş.

Wan

Wan de semedê vewre; personelê diganeyî, astengdarî û mayê ke domanê înan şinê mektebê seretayî, do bi destûrê îdarîyî bêrê heşibnayîş.

Mûş

Qezayanê Mûşî Gimgim, Kop û Milazgir de zî semedê vewre mektebê dewan û mektebê ke wendekarê înan bi wesayîtan şinê, 1 roj ameyî tatîlkerdiş.

0

Begendim

0

Bayildim

0

Komik

0

Begenmedim

0

Uzgunum

0

Sinirlendim